Valentine's Day 2019 Gift Cards, Quotes, Week Days, Importance: Blog

Valentine's Day 2019 Gift Cards, Quotes, Week Days, Importance: True News India's Blog.

Valentine's Day 2019  Image Photo Picture

New Delhi: February ka month means Valentine's days 2019 aa gaya hai. Pyaar ke kadrdaano ke liye yeh month vyasttayon se bhara hogaa kyunki es mahine ke adhikaansh din pyaar karne vaalon ke liye hi hain. Es mahine pyaar ke ejhaar aur prastaav dene ke kayi din aayenge, jinmen aap apni bhaavnao ko apne pyaar tak badi hi aasani se pahuncha sakte hain.

Duniya ka har bandhan pyaar se bana hota hai, agar pyaar na ho, to jindgi mein khushiyan nahin ho sakti, vaise pyaar ka ejhaar kabhi vakt yaa muhurt dekhkar nahin kiya jataa, pyaar bin bole hi byaan ho jaata hai, pyaar ahsas kaa ek aisa samundar hai, jisme agar tufaan bhi aaye, to kisi ko nuksan nahin pahunchata. Pyaar tyaag, vishvaas ki ek aisi dor hai, jise bas mahsus kar sakte hai, jise shabdon men pirona aasaan nahin.

Importance of Valentine' s Day.

Aise hi pyaare ehsaas ko jab ek tyauhaar (Valentine’s Day) ke rup men manayaa jaataa hai, tab vah din ek yadgaar din ban jata hai. Jivan mein jab sab kuch pyaar hi hai, to es anmol ehsaas ko vakt dena bhi bahut jaruri hai aur vakt shayad es bhaag daud ki duniyaa mein kahi kho gaya hai, vakt ek aisa panchhi hai, jo agar haath se nikal gayaa, to vapas nahin aata aur jindgi mein vakt sundar yadon mein hi kaid ho paataa hai.

Diwali, Rakhi, Christmas, Holi jaise sare tyauhaar jab bhi manaye jaate hai, unse apnon ke bich pyaar aur bhi gehra ho jataa hai, pyaar ko vaise kisi vishesh din ki jarurat nahin, par vakt ki tez raftaar mein kahi na kahi iski jarurat aa gayi hai, aise hi pyaar se bhara khushnumaa tyauhar hai Valentine’s day 2019.

History and Story of Ventine’s Day.

Valentine kisi din kaa naam nahin hai, yeh naam hai ek paadri (Priest) kaa, jo ki Rome meun rehtaa tha, us vakt rome par Claudius kaa shasan tha, jiski ichchha thi, ki wah ek shaktishaali shasak bane, jiske liye use ek bahut bdi sena banani thi, lekin usne dekhaa ki rome ke vo log jinka parivaar hai, jinke biwi aur bachche hai, vo senaa mein nahin jaana chaahte, tab us shaasak ne ek niyam banayaa, jiske anusaar usne bhavishye mein hone vaali sabhi shaadi par rok lagvaa diya. Yeh baat kisi ko thik nahin lagi, par ush shaasak ke saamne koi kuchh nahin bol payaa. Yeh baat paadri Saint Valentine ko bhi thik nahin lagi. Ek din ek jodaa aayaa, jisne shaadi karne ki ichchhaa jaahir ki, tab paadri valentine ne unki shaadi chupchap ek kamre mein karvaai. Lekin us shaasak ko pataa chal gaya aur usne paadri valentine ko kaid kar liya aur use maut ki sajaa suna di.

Video Credit: T-Series

Jab paadri valentine jail mein band thaa, tab sabhi log usse milne aate the, usse gulaab aur gift dete the, vah sabhi batanaa chaahte the, ki vah sabhi pyaar mein vishvaas karte hai, par jis din unko maut ki sajaa di, wo din 14 February 269 A.D. tha, marne se pahle paadri valentine ne ek khat  likha, jo ki pyaar karne valo ke naam thaa. Valentine pyaar karne vaalon ke liye khushi-khushi kurbaan hua hai aur pyaar ko jindaa rakhne ki guhaar karta hai, esalia us din se aaj tak 14th February ko Saint Valentine ki yaad mein Valentine's Day ke naam se manaya jataa hai.

Valentine's Day ek anokhaa tyauhaar hai, vaise hi ese manaayaa bhi anokhe tarike se jaataa hai. Valentine's Day 2019 ke din sab apne pyaar ke lia waqt nikaalte hai, pyaar kaa ejhaar karte hai, kimti vakt mein se jivan ke sabse kimti uphaar,  jo aapko upar vale ne diya, usko maante hai. Sab es din ke liye plan banate hai.

Valentine Day keval ek din nahin, balki pure hafte manaya jata hai. Yeh 7th February se 14th February tak chalta hai aur har ek din ko vishesh naam diyaa gayaa hai.

Valentine' Week Days Name 


7 February Rose Day: Ese ham Rose Day kehte hai, es din ham jise pyaar karte hai, unhein Rose Gift karte hai aur har colour ke Rose ka kuch matalab hai, Jaise-

White rose says "I Am Sorry"
Yellow rose says, ”You Are My Best"
Pink rose says "I Like You"
Red rose says "I Love You"

8 February Propose Day: Ese ham Valentine day's ka Propose Day kehte hai, jisme jo bhi jise dil se pyaar  karta hai, use propose kartaa hai, jiske andaaj alag alag hote hai, jise vo khud sochtaa hai.

Credit - Pixabay.com

9 February Chocolate Day: Ese ham Valentine's days 2019 ka Chocolate Day kehte hai, es din sabhi apne pyaar ko chocolate dete hai, es tarah sabhi mithaas baantte hai.

Credit - Pixabay.com

10 February Teddy bear Day: Ese ham Valentine's day ka Teddy Bear day kehte hai, es din pyaar karne vaale ek dusre ko Valentine's day's gifts dete hai, jisme vo sabhi apne sabse pyare insaan ke liye gifts laate hai.

Credit - Pixabay.com

11th February Promise Day: Ese ham Valentine's day ka Promise Day kehte hai, es din sabhi apne pyaar ko saath nibhane ka promise karte hai. Saari kasme vaade yaad kar. Usse puraa karne ka vaydaa apne partner se karte hai.

12th February Kiss Day: Ese ham Valentine's day 2019 ka Kiss Day kehte hai es din sabhi ek dusre ke saath vakt gujaarte hai, har lamhe ko yaad gaar banaate hai, pichhli baate yaad kar har tarah se ek dusre ke ho jaate hai.

13th February Hug Day: Ese ham Valentine day ka Hug Day kehte hai, es din jode ek saath rah kar apni bhaavnayen vyakt karte hai. Ek dusre ko pyaar se gale lagate hai aur sadaa ek dusre ka saath dene ka ahsaas jatate hai, jo ki unhein har kathin vakt mein bhi baandhe rakhega.

14th February Valentine's Day: Yeh aakhiri din  hai, jise Valentine's Day kehte hai, es din sabhi jode ek dusre ke saath puraa din bitate hai.

Ess tarah har saal mein ek week couple's apne jivan saathi, apne khaas dost, apne parivaar aur apne jigri yaaron ke saath vakt gujarta hai. Pyaar kisi din yaa vakt ka mohtaaj to nahin hotaa, par pyaar aaj ki bhag daud men kahi chhip gaya hai aur es tarah paadri valentine ko shraddhaanjali dete huye sabhi apno ke saath kuchh palo ko bitaate hai aur unhein apni yaadon men jodte jaate hai.

Shayari Quotes of Valentine's Day.

Aapne saathi ko gifts ke saath-saath Shayari ke jariye apnaa pyaar jatayenge, to kyaa baat hai! kyunki Valentine's Day 201 par Shayari and gifts eklautaa aisaa jariyaa hai jo sidhe dil tak pahuchtaa hai. Isliye yahaan di gayi gifts ki shaayri ya Tohfa Shayari apne partner ko jarur bhejen aur phir dekhein unka reaction.

Hajaaron mein ek aur sabse khaas ho tum,
Khudaa ka khubsurat tofaa mere dil ka khvaab ho tum,
Jitni khushi du utnaa kam hoga, Mere har ek pal ki tasvir mere man ki aas ho tum.
Happy Valentine's Day 2019

Pyaar kaa tofaa har kisi ko nahin miltaa,
Ye vo phul hai jo har baag me nahin khiltaa,
Ess phul ko kabhi tutne mat dena,
Kyonki tutaa hua phul vaapis nahin khiltaa.
Happy Valentine's Day Quotes

Tera taalluk mere liye ek tofsa hai khuda ka,
Jo kabhi naa tute vo rishtaa hai vafaa ka,
Hum tujhko kabhi bhulaa na sakenge,
Tujhse rishta hai aisa jaise haath aur dua ka.
Happy Valentine's Day 2019 Message